إنما العشق كأسنان النمور

 

 

 

 

 

 

 

بسم الله الرحمن الرحيم

السلام عليكم ورحمة الله وبركاته...

  

في أي شهر ولدت؟

 

 يناير 

ينطح بشعره راس كل القصايد

لو كان ما له في الشعر راس وقرون

محال يكتب شي من دون عايد

يحلب جيوب الناس ويقول مديون

 

 فبراير  

يبكي حزن ويقول دمع السعاده

إنسان ما صادف من السعد توفيق

حرفه تميز بالصبر والجلاده

يكتب عن الأفراح ويحس بالضيق

 

 مارس  

يشرب بحر ويقول ما أطعم الملح

يشرب ولا يشكي من البحري ظميان

راعي مشاكل ما يدور على الصلح

ما يرهبه شاعر ولو كان من كان

 

 أبريل  

عاطفي قلبه ولا فيه انعطاف

مستحيل يعيش من دون الجميع

للوفا والحب ما قد قال طاف

هين لين وله صدر وسيع

 

 مايو  

شاعر غبي ما يعرف الفن والذوق

يكتب محلك سر لو يكتب أعوام

يصعد إلى الأسفل ولا يصعد لفوق

يمشي ورا ويظن يمشي لقدام

 

 يونيو   

خبيث بو وجهين ماكر ودجال

يعرف ترى من وين هي تؤكل الكتف

شاعر مزاجي الطبع والشعر والحال

لكن محال يحط نفسه على الرف

 

 يوليو  

يكتب عن الإحساس من دون ما يحس

مرهف شعور وشاعر صدق حساس

لو ع البحر يزرع بدال الصدف خس

ينبت وتاكل من ثمر خسه الناس

 

 أغسطس  

طيب مع الطيب وفي داخله ذيب

شهم وما له في  الشهامة من حدود

حبيب لكن ما يبي يقول حبيب

يا لين ينخر قلبه وعظمه الدود

 

 سبتمبر  

يأسر قلوب ويسبي قلوب وقلوب

كل بشعر ذاب صادق وكذاب

يجبرك دايم في وسط حرفه تذوب

لو كنت تملك في الهوى قوة أعصاب

 

 أكتوبر  

ما يرمي حروفه على كف عفريت

يوزن كلامه قبل يوزن قصيدة

إن كنت غابه صار لك عود كبريت

وإن كنت حلوى صار قبلك عصيدة

 

 نوفمبر  

لا تأمن حروفه ولو شاركك هم

احذر تحطه بين قلبك وعينك

لو هو عسل شعره ترى بداخله سم

مهما تظاهر لك بأنه رهينك

 

 ديسمبر   

يستاهل أن يكون شاعر لياليك

كله محبة لك وكله مشاعر

يغليك لو ما كان لك من أهاليك

شاعر ومعك يصر عن ألف شاعر

 

 

 

 

 

 

تقبلوا تحياتي:الطفلة البريئة